這枝澳洲 Barossa Shiraz 是家裡的Regular Stock，隨手選了就在家庭飯上和家人暢飲，由於只是淺嚐，所以就封蓋放進冰箱留待隔天再飲。如是者每天喝一點，到第四天依然沒太大的走味，可謂耐力十足！在預備要拋棄樽時才偶然看到酒標，就是酒標的內容值得表揚。
Barossa 是一個很特別的產區，大部分都是百多年前由德國來的移民，自那時起便在當地世代務農或釀酒，酒廠和葡萄農之間合作無間，才有高品質美酒。酒廠擁有品牌商標而葡萄農就是無名英雄，因為沒有靚葡萄不可能有最好的酒。Langmeil 把這瓶酒的酒標來表揚這位 已離世的葡萄農Ron Schild ，更重要是他的後繼人已經接手繼續和酒廠保持合作關係，這家族種植的葡萄將繼續成為此酒的骨幹，這種人情味濃厚的酒要多支持！
P.S. 翻查資料，這瓶酒原來James Halliday給93分，高度推介，物值相當高。
唔少人覺得對葡萄酒和中式食物嘅配搭㑹好難入手，咕嚕肉就係其中一個例子，有甜和酸味，而且經油泡過會有啲油膩。其實只要記住 Riesling 就會配搭得心應手。
Riesling 被喻為 Noble 葡萄品種，因為本身酸度高，又有豐富嘅花和果香。如果晚採嘅話更有熟桃味，視乎釀酒師嘅造酒方式，可以乾身或小小甜至好甜，咁多層次用來配咕嚕肉最啱不過。凡食物帶酸味就記住要選酸味更高嘅酒先合襯，如果唔係就會被比下去，酒飲落就㑹冇嚟生氣。酸度亦需要適當嘅果味去平𧗾先好，如果唔係就飲檸檬汁就可以啦。
依枝 Alsace Zusslin Riesling 仲有一個特別之處，酒莊是由代代相傳嘅家族經營，到而家已經係第13代，而且在喺1997 年就率先獲得有機歐盟認證，現在更繼續開創先河以生物動力學耕作葡萄，佢地嘅Grand Cru 田只是年産3,000 枝酒，卻絶非一些名莊把價格抬到天價一般高，而是係實實在在地由葡萄田開始釀造美酒，想到佢地嘅葡萄田喺秋天時的一片金黃色，和咕嚕肉嘅賣相和味度都係絶配。
「法國」和「葡萄酒」幾乎畫上等號，可能是由於法國有好幾個著名的產酒區，例如波爾多出產相當貴的貴腐酶甜酒、勃根地區有唐唐至愛的紅和白酒。至於浪漫之選香檳，更是只有法國才出產的。
除了以上較常聽到的產酒區外，法國還有很多葡萄酒生產區，可以舉幾個例子：Beaujolais專生產輕巧易入口的酒 ，每年十一月就會有新酒出場，價格非常相宜，可以冷凍少少才飲；沿著隆河有由法國中部教皇新堡出產的經典紅酒、至南法普羅旺師的輕巧粉紅酒；鄰近德國的 Alsace 就有出名的 Riesling 。還有一個經常被忽略的 Loire Valley，由東至西的河谷出產Chenin Blanc ，覆蓋由乾至甜的靚酒。總括來說，各區都有自己的代表性酒款！
至於質量，就要認往 AC 兩個字，代表 Appellation Contrôlée，即是得到一定認可的級數，在酒標上還會加上產酒區的名字在 AC 中間，例如 Appellation Saint-Julien Contrôlée 就代表是波爾多左岸 St. Julien 產區認可級數的酒。由葡萄種植法、葡萄品種、收成丶釀造等方面都受監管。因此，這些「舊世界」酒不需要列明葡萄品種，要一個一個自己記住呀！
一般打工仔，假期和 Budget 都有限，就算不可以常常去旅行，都希望可以來趟「嘴巴旅行」，例如享用以最地道手法煮的意大利粉。有一次看到一個叫 Italy Unpacked 的電視節目，由一位意大利廚師和英國歷史學家自駕到意大利各區遊歴，其中一集是到 Veneto （即意大利東北部）的威尼斯去摸蜆，然後現煮現食。材料和方法都很簡單，相信會好美味。由於英國歷史學家無用武之地，大㕑便叫他拿著鑊蓋保護他，以防煮好之後被偷食者襲擊😂。
意廚說要煮最美味的蜆肉意粉，蜆用上採自 Adriatic Sea 相連水域的，由於只能存活幾天，大多數只會在歐洲售賣；其他材料最重要是回歸基本，一切額外材料如忌廉、番紅花或番茄卻是多餘的。兩人的份量只要用兩瓣意大利蒜頭切片、一隻小紅椒和一些歐芹、橄欖油也只要用上北面 Liguria 較清淡的就可以，當然還有少少白酒。
做法是加入橄欖油及燒熱於平底鑊中，然後加入蒜頭和紅辣椒，火不能太猛，因為會燒焦蒜頭而有苦味，等一下就可以加入新鮮的蜆，然後搖勻，再用白酒繞兩三圈的灑勻，注意要用姆指按着樽口留點小隙縫讓白酒流出，隔一陣再搖勻平底鑊內正在飲白酒的蜆，全程不用蓋，讓酒精揮發而留下香氣，最後才蓋上蓋讓蜆可以煮熟。在煮蜆的同一時間要用另一個煲煮意粉，時間要掌握得好，最理想是兩邊差不多同一時間煮好，把剛煮好的意粉直接放到煮蜆的鑊內，然後加八歐芹碎，再拋幾拋，Voila ！快手上碟就可以保持 Al Dente。
配 Pinot Grigio 白酒最合襯，因為此酒輕身高酸度，口味非常清淡，不會蓋過蜆肉的鮮味，和蜆本身的海水味相襯，Mamamia。兩位主持人就在海邊現煮現食，看到他們的表情，應該是 Buonissimo !
記得蜆肉要打開才可以吃呀，如果蜆不會打開的，就代表不新鮮，吃了無益。
這個漂亮的酒標是專程找意大利插畫師Stepfano Riboli設計的，背面就是Dolomites 山景，現代風格和現代化的酒廠走同一理念。
位於Lagavilla Valley 的葡萄園在Dolomites的山腳，Lake Garda的東北面，湖面在日間提供溫暖，而Dolomites就有涼風，所以造就特別清爽豪快的白酒。
Italy Unpacked的節目主持人：意式大廚Giorgio Locatelli (左面) 及美國藝術歷史學家Andrew Graham-Dixon。
這間隱蔽酒吧，在一間新開的酒店（登臺酒店）地庫，位於太平館和女拔對面，要不是門外有酒樽擺設，都不容易留意到。酒吧雖小，但有超過百五枝新、舊世界樽裝酒。最值得推介是他們的酒機可以同時 Keep 住八款「杯裝酒」在最 Fit 狀態，除大杯（150毫升）外還有半杯同 Tasting portion，杯杯明碼實價。一次過試齊八款都得，得咗！
每日Happy Hour（六點至九點）杯裝酒更有買一送一優惠！特別推介香港好難找的南美烏拉圭 Bodega Garzon 紅、白酒；清新爽口的新西蘭 Dusky Sound Sauvignon Blanc ；人見人愛的澳洲 Langmeil Shiraz ，還可以點即叫即做 Pizza 送酒。
個人最愛這個Bar背後的「樽」擺設，是本地著名玻璃藝術家楊燕玲的作品。穿插其中的酒例如Hendrick’s Gin、 Bowmore Whisky是真的，又實用又有artistic feel。
他們設有兩種座位，lounge seat適合同三五知己邊傾邊飲，木枱就可以放電腦邊check email邊飲！
所有芝士都是精選英國、法國或意大利的，用來配紅白酒都好好味。全部都要先下單，飛機才進口，有別於一般先入口再分銷的方法。香檳方面就有行內人追捧的Growers Champagne，還有Vintage同Grand Cru！
這部Enomatic 酒機令任何時候都有四紅四白酒並保持在最佳狀態和溫度，而且經常轉款，隨時都可以飲wine-by-the-glass。每晚六至九點更有happy hour買一送一！
他們的wine curation很有心思，蒐羅新、舊世界好飲酒超過一百款，尤其是未被發現的各款靚酒，與同道人分享，全力支持家族或精品酒莊。Organic同Biodynamic都有好多選擇，要知飲酒潮流指數，跟他們的酒吧經理聊聊天，都得益不少！
電話：(852) 3953 2203
地址：佐敦志和街1號登臺地庫
營業時間：（星期一至日）16:00 – 00:00
冰酒 Ice Wine 的德文，只有某些有嚴冬的國家例如德國丶加拿大才能生產的天然冰酒，通常用Ruesling 造，但也可用其他葡萄甚至是黑葡萄造。
在德國，法例規定需要讓完好成熟的葡萄留在戶外的葡萄藤上數個月，等待冬季的來臨及長時間在攝氏零下七度，採收的時候溫度同樣要在這低温在一月進行，所以非常辛苦。
採收後需立刻運回酒廠把葡萄內已結的冰粒打碎再分開，這個等於提取了超高濃度的葡萄，糖份也特別高，再進行發酵程序變成冰酒。由於需要天氣配合，葡萄留在戶外又會俾動物食咗，收成量極低，所以價格相對較高，大部分都會以半樽裝 375ml 發售。
英國有出產葡萄酒咩？好多人都唔知，由於全球暖化效應，平均溫度正慢慢上升，以前的概念是在緯度30－50度才有足夠的條件種植葡萄，英國南部 Kent 位處北緯51度，所以啱啱 Out 咗，不過溫度上升一兩度就可以完全改變呢個現象 ; 另外一個條件就是英國南部的地面是和法國香檳區既石灰啱相連既，以前太凍種唔到葡萄就冇法，而家可以就梗係唔會再輸俾法國人，呢幾年已經有不少英國酒在世界賽獲獎，法國的香檳又多一位勁敵。
除了英國南部外，有些專家估計連英國的其他較北地區都可以種葡萄，甚至北至蘇格蘭，即係話第日去 Scotland 唔止有 Scotch 仲有 Wine 添。唔同區份適合種的葡萄在這幅未來的英國地圖顯示埋，不過本人應該等唔到，呢世先飲英國南部既酒，其他區份嘅下一世再飲啦。
(圖片來源：互聯網)
【終身學習系列】喺Cunard頂級郵輪瑪利皇后二號上度假，可以修讀國際認可嘅英國 WSET (Wine and Spirit Education Trust) 第一及第二級課程。第一級課程需要五日完成，而第二級課程就要十二日，內容有葡萄酒嘅各種風格同主要葡萄品種及出產地，解構好多一般人未必睇得明嘅專業酒標用詞。合格後就可以戴上一級或二級襟章同獲得紀念品。
首個提供課程的是橫渡大西洋航線，將於十二月十五日由英國 Southhampton 出發。而首個提供課程的環遊世界航線，就喺明年一月十日由英國 Southhampton出發，經南非 Cape Town、西澳洲 Fremantle 丶香港丶杜拜再回航至英國 Southampton，全個航程超過一百日。而家報名有可能仲趕到，香港上船唔知得唔得呢﹖
郵輪公司：www.cunard.com
WSET課程：https://www.wsetglobal.com
(圖片來源：互聯網)
家庭餸最緊要簡單，我的另一「飛佛」就係菜心炒牛肉，當然買靚啲部位嘅牛，例如牛柳就可以林啲，先用醃料醃約 15 分鐘會入味啲，落鑊炒時記得要快手，牛肉炒至七成熟就可以先撈起，跟住就係炒菜心，仲有一個秘訣係要贊小小酒，煮食用嘅米酒就得㗎啦，唔駛用葡萄酒㗎，最後加入牛肉兜勻，同用少少蠔油調味。
配襯既酒最啱就係智利 Merlot ，除了價位經濟，可以一百蚊樓下有交易外，富紅果味而丹寧溫和，酒體也是中中哋，易飲易襯唔同餸都得，行開超市又有減價嘅話不妨買定兩三枝係屋企看門口。其實呢種葡萄原本喺法國波爾多，喺整個智利唔同地區既山谷都有栽種，都係上世紀九十年代先開始流行起嚟，係好多明友初次接觸智利酒既使者，令人留下好印象。
智利的Merlot大部份種植在中部Central Valley的Colchagua、Maule Valley 和Curicó 。西面的太平洋有coastal mountain range 遮擋，而東面就是高高的安達斯山脈。
一般的W字頭超市就可以找到三、五種智利出產的Merlot紅酒，而且價錢大眾化，可以低至幾十蚊一枝，平時配家常便飯飲最啱。
“To De or not To De”, it’s totally up to you! 究竟應唔應該要醒酒？這個議題一直沒有一面倒的答案，那就隨心吧。
基本上要醒酒的原因是某些酒需要多一點和空氣接觸才進入最佳狀態，當酒困（或藏）在酒樽時，是盡量希望減低和空氣接觸的，避免老化過程會失去大部分果味，有些酒的單寧也較多，需要和空氣接觸令單寧變得柔和一點。
醒酒器的最基本設計就是大個大肚子可以增加空氣接觸面積，如果家中冇 Decanter 的話，可以預早一個鐘開瓶，先倒出半杯至酒杯中，就可以增加和空氣接觸面，讓酒唞一唞氣都得㗎。
Wineshare 